HACCP (Hazard Analysis Critical Control Point)

HACCP (Hazard Analysis Critical Control Point), е систем за управување со безбедноста на храната. Овој систем е дизајниран за идентификување, оценување и контрола на опасностите кои може да влијаат на безбедноста на храната.
HACCP е широко применуван во различни сектори на индустријата за храна, вклучувајќи производство, обработка и услужни дејности (хотели, ресторани, барови, пекари, сендвичари, кетеринг…)

Системот HACCP се потпира на седум основни принципи:

1. Анализа на опасности: Идентификување на можни опасности кои би можеле да влијаат на безбедноста на храната.
2. Идентификација на критични контролни точки (ККТ): Определување на фази во производствениот процес каде може да се контролираат идентифицираните опасности.
3. Утврдување на критични лимити: Поставување максимални или минимални граници кои мора да бидат исполнети за секоја критична контролна точка.
4. Набљудување на ККТ: Утврдување на процедури за мониторинг на ККТ и осигурување дека критичните лимити се исполнети.
5. Корективни мерки: Утврдување на процедури за дејствување ако мониторингот укаже на тоа дека ККТ не ги исполнуваат критичните лимити.
6. Верификација: Спроведување на активности за верификација за да се потврди дека HACCP (Hazard Analysis Critical Control Point), системот функционира правилно.
7. Документација и евиденција: Чување точни записи на процедурите и активностите за мониторинг, верификации и корективни мерки.