ISO 22000:2018 Систем за управување со безбедност на храната

ДЕЛОВЕН ПРЕДИЗВИК

ISO 22000:2018 е стандард за безбедност на храната. Тој е важна алатка за сите организации вклучени во производството, преработката, дистрибуцијата или продажбата на храна, обезбедувајќи рамка за управување со безбедноста на храната на систематски и ефективен начин, за сите бизниси во синџирот на исхрана. Стандардот ISO 22000 може да се примени на сите бизниси кои делуваат во индустријата за храна и добиточна храна, без оглед на големината на бизнисот. Овој стандард овозможува поставување на систем за управување кој им помага на фирмите да ги подобрат нивните севкупни перформанси.

ШТО ПРЕТСТАВУВА ISO 22000:2018
ISO 22000:2018 е меѓународен стандард кој е развиен за да се осигура дека организациите во прехранбениот сектор, можат ефективно да управуваат со безбедноста на храната, да обезбедат хигиенски практики и следливост во секоја фаза од синџирот на производство на храна од фарма до трпеза. Со тоа ја гарантираат безбедноста на храната и на потрошувачите им испорачуваат здрави, квалитетни и безбедни прехранбени производи согласно барањата на стандардот.

КОИ СЕ КЛУЧНИТЕ ПРЕДНОСТИ ПРИ ИМПЛЕМЕНТАЦИЈА НА ISO 22000

Придобивката од системот за управување со безбеност на храната:

• ISO 22000:2018 помага во идентификацијата и управувањето со ризиците поврзани со безбедноста на храната, што влијае на намалување на ризиците од контаминација и заболувања предизвикани од инфективни микроорганизми, кои во погодни услови се размножуваат во храната или во неа излачуваат токсини.
• Сертификацијата според ISO 22000:2018 ги задоволува очекувањата на потрошувачите за безбедна и квалитетна храна, што ја подобрува репутацијата на компанијата.
• Ја олеснува трговијата и соработката со други компании и организации, и може да биде услов за пристап до нови пазари.
• Имплементацијата на ISO 22000 може да донесе значителни придобивки за организациите, не само во однос на безбедноста на храната, туку и во проширувањето на бизнисот и подобрувањето на клиентската доверба.

ПРИДОБИВКИ ОД СИСТЕМОТ ЗА УПРАВУВАЊЕ СО БЕЗБЕДНОСТ НА ХРАНАТА

• Засилена безбедност на храната: осигурува дека прехранбените производи се безбедни за консумирање.
• Усогласеност со регулативата: им помага на организациите да ги исполнат законските барања.
• Подобрена доверба кај клиентите: гради доверба со потрошувачите и засегнатите страни преку демонстрирање посветеност на безбедноста на храната.
• Оперативна ефикасност: ги насочува процесите и го намалува ризикот од инциденти со безбедноста на храната.
• Пристап до пазар: го олеснува влезот на нови пазари и ја подобрува конкурентноста.

ГЛАВНИ ЧЕКОРИ ПРИ ВОСПОСТАВУВАЊЕ НА СИСТЕМОТ

• Одлука на раководството.
• Обука за вработените, што ја зголемува свесноста за важноста на безбедноста на храната и подобрува внатрешната комуникација.
• План за воспоставување на системот.
• Препознавање на значајни критични контролни точки во процесот.
• Определување на целите за безбедност на храната.
• Препознавање на заинтересираните страни.
• Постојано подобрување.

СЕРТИФИКАЦИСКА ПОСТАПКА

Сертификацијата е постапка со која независна институција констатира дека системот за безбедност на храната е во согласност со стандардот ISO 22000. Тоа се потврдува со сертификат, со кој го докажувате исполнувањето на барањата. Постапката за сертифицирање ја сочинуваат проверка на документација и сертификациска проверка која се изведува со две посети кај вас. По доделување на сертификатот годишно се проверува работењето на системот, а еднаш на три години се изведува обновителна проверка. Сертификатот важи, се додека со проверките секоја година докажувате дека сеуште ги исполнувате барањата на стандардот.

Овој стандард е дизајниран во истата структура како и другите стандарди за систем за управување, како што е стандардот ISO 9001 за управување со квалитет. Затоа, може лесно да се интегрира со други системи за управување, или може да се користи самостојно.