GLOBALG.A.P.  Добра земјоделска пракса (Good Agricultural Practices)

Како резултат на зголемениот интерес на потрошувачите за безбедноста на производите, влијанието врз животната средина и благосостојбата на работниците, група европски трговци на мало се здружија во 1997 година за да ја основаат иницијативата EUREPGAP. Основите на оваа иницијатива подоцна ќе прераснат во GLOBALG.A.P. бренд. Повеќе од 20 години подоцна, GLOBALG.A.P. прерасна во алатка од вредност и доверба на која и веруваат трговците од  глобалната трговија со овошје и зеленчук, цвеќиња и морски плодови.

GLOBALG.A.P. е бренд на паметни решенија изградени врз портфолио на стандарди за безбедни и одговорни производствени процеси во земјоделството, аквакултурата и цвеќарството. Денес, GLOBALG.A.P. решенијата обезбедуваат некои од најпочитуваните и меѓународно признати стандарди кои ја поддржуваат глобалната трговија со земјоделски производи, броејќи речиси 200.000 сертифицирани производители ширум светот.

Промовира подобри методи на производството во земјоделството. Целта на GLOBALG.A.P. е да се осигура безбедноста на производите, заштита на животната средина, благосостојба на животните и подобрување на условите за работа на земјоделците:

• Безбедност на храната: Системот обезбедува стандарди кои помагаат во намалување на ризиците за безбедноста на храната, од производството до дистрибуцијата.

• Одржлива пракса: GLOBALG.A.P.  промовира одржливи методи на работа, кои вклучуваат рационално користење на ресурси, како што се вода и енергија, и зголемена внимателност кон еколошките аспекти.

• Заштита на животната средина: Стандарди за заштита на животната средина гарантираат дека земјоделските практики немаат негативно влијание на околината.

• Благосостојба на животните: Системот исто така вклучува барања за благосостојба на животните, обезбедувајќи дека животните се третирани хумано и дека имаат услови за добар живот.

• Услови за работа: GLOBALG.A.P.  поттикнува добри услови за работа и програми за обука за работниците во земјоделството.

• Подготовка: Земјоделците треба да се запознаат со стандардите на GLOBALG.A.P. и да ги применуваат во своето работење.